Sommarleiren tilbyr fire langkurs og 12 kortkurs.
Årets langkurs er teater, samspel (folkemusikk), springdans frå Nordre Sunnmøre og grunnleggande folkedans.
Nedanfor finn du meir informasjon om kursa du kan velje mellom.
Her kan du bli betre kjent med instruktørane.
Planlegg reise til Ulsteinvik og Sunnmøre Folkehøgskule. Vi avsluttar leiren med utflukt til Ålesundsområdet, så planlegg heimreisa derifrå.
Dagane på Sommarleir er fylt av kurs, sosiale aktivitetar, kos og hygge. Det er mykje rom for både å lære seg nye ting samtidig som du får nye vennar frå heile Noreg.
Første dag blir alle tekne godt i mot og vi skal bruke tida på å bli kjent med kvarandre. Siste dag dreg vi på utflukt og avsluttar leiren der.
Meir informasjon om første og siste dag på leir finner du her.
Her finn du nedlastbar versjon av timeplanen.
Det blir eitt langkurs og tre kortkurs innan teater
Langkurs: Teater
Draumar du om å stå på ei scene?
Har du lyst til å lære meir om korleis du i lag med andre kan få eit manus til å bli ei fantastisk førestilling?
Kan du tenkje deg å bli ein betre skodespelar?
På hovudkurs i teater vil du jobbe med prosessen frå tekst til skodespel. Instruktør Asbjørn vil lære deg teknikkar og nye verktøy som du kan bruke når du skal øve fram ei rolle eller eit stykke. De vil bruke kjekke øvingar som gjer kurset morosamt og lærerikt.
Kortkurs: Musikal - dansekoreografi
Musikal er musikk, song, dans og dialog i ei herleg blanding. På dette kortkurset vil du lære deg koreografien til ein dans fråein kjent musikal. Du vil lære korleis det å uttrykke stemning og handling med rørsle til musikk er med på å skape god formidling. Ta på deg gode sko og klær og gjer deg klar til å bli svett i panna. Dette kortkurset er for deg som elskar musikal og elskar å danse - eller som vil lære ein kul koreografi.
Kortkurs: Musikal – song
Likar du å bruke stemmen din?
Kanskje du trivst med å synge i kor?
På kortkurs musikalsong, vil du lære vokaløvingar, stemmebruk og korleis framføre einsongfråei scene. De vil jobbe med musikk frå kjente musikalar. Viss du likar å synge eller ønskjer å lære deg meir om songteknikk, så er dette kortkurset for deg.
Kortkurs: Monolog
I kortkurs monolog vil du få i oppgåve å velje deg ut ein monolog fråeitutval du får tilsendt av oss. Når du har valt deg ut ein tekst, vil instruktør Asbjørn lære deg korleis du kan jobbe med formidling av teksten. Korleis uttrykke kjensler og bruke stemmen er viktig når ein skal framføre monolog. Dette kurset er for deg som ønskjer å jobbe meir med ditt eige uttrykk og få tips til korleis få til ein solid presentasjon.
I år blir det heile to langkurs i folkedans og fem kortkurs. Her er det mykje kjekt å velje mellom.
Langkurs: Springdans frå Nordre Sunnmøre
Det einehovudkurset i dans er ei fordjuping i den lokale bygdedanstradisjonen frå der Sommarleir finn stad i år. Springdans frå Nordre Sunnmøre er ein spretten og energisk dans med mange ulike motiv, rundsnu både den eine og den andre vegen og ein morosam lausdansdel. På kurset vil du få moglegheittil å fordjupe deg i sviktmønster, øve på framdrift og bli kjent med motiva i dansen. Du vil lære deg einny bygdedans du ikkjekjenner fråfør, eller bli betre i eindans du allereiehar dansa. Kurset passarbest for deg som har dansa folkedans ei stund, men du behøver ikkjeå ha voreborti akkurat denne dansen tidlegare.
Sjekk ut dansen her.
Langkurs: Dans med Anna og Nina
På dette kurset vil instruktør Anna og musikar Nina ta deg med i eitmangfald ulike dansar. Du vil danse både på ring, rekke og i par, i ulike taktartar og tempo. Det blir fokus på det grunnleggande tinga i folkedansen og gjennom variert dans og musikk vil du få god kjennskap til sjangeren. Kurset passar både for deg som har dansa ei stund, men også for deg som er nysgjerrig på kva folkedans er. Saman vil Anna og Nina legge opp til eit kurs der du både får øvd dansemusklane og lattermusklane. Du vil bli eintryggaredansar og får utvida eige danserepertoar. Det er berre å ta på seg danseskoa og slenge seg med!
Kortkurs: Reinlenderfantasi
Reinlender er ein allsidig dans det går an å leike seg mykje med. Dreg du på dansefest, er det stor sjanse for at det blir spela opp til reinlender. Den høyrer til i runddansfamilien og viss du reiser rundt i landet vil du kunne finne ulike former av dansen, slik som lukka reinlender, ringlenderfrå Rørostraktene, familiereinlender eller Sunnmørsreinlender. Mange som dansarsynast det er spanande å finne opp eigne turar, og til reinlendermusikken passar det veldig godt å gjere nettopp det. På dette kortkurset vil Svein Are lære vekk ulike turar. Kurset passar både for deg som har dansa ein del og deg som er nysgjerrige på å lære noko nytt.
Kortkurs: På to slag i takta
Gangar, halling, parahalling, slengpolska- kjært barn har mange navn. Der er mange danser man kan danse med to slag i takta. Fleire av deitilhøyrer bygdedansfamilien og er einrolegare variant av springdanstradisjonen. Det kan også dansast fritt, utan manus, og nesten utanreglar. Med utgangspunkt i gåsteget vil Svein Are gå gjennom turar og motiv som du kan bruke neste gong du er på dansefest. Kurset vil ikkje ha fokus på ein bestemt tradisjon, men blandar inn motiv frå fjern og nær, kanskje mest frå Vestlandet. Kurset passar for deg som vil øve meir på føre- og følgjerollen og for deg som vil lære nye turar.
Kortkurs: Swing
Å danse swing er populært mange stader og det finstikkje grenser for kor kreativ ein kan vere med turar og motiv i denne dansen. Det finnastfleire ulike undersjangrar av swing, slik som lindy-hop, boogie-woogie og jive. På dette kortkurset vil Svein Are lære deg turarinnan undersjangeren folkeswing. Det blir fokus på grunnleggande føre- og følgjeteknikk der spenning mellom dansarane er nødvendig. Kurset passar både for deg som har dansa swing tidlegare og for deg som har lyst til å lære deg nokre kjekke turar.
Kortkurs: Ril verda rundt
Rekkeril, festdans, finsk, norsk eller skotsk ril. På dette kortkurset vil du danse ril i fleire ulike formar. Ril er artige dansar, ofte med litt høgt tempo, som eindansar i større grupper, til fest og til moro. Det finsteit hav av ulike rilarein kan danse, og det finstrilarfrå ulike stader i verda. Instruktør Anna og musikar Nina har lyst til å vise deg eitutval av desse. På dette kurset vil du ikkjeberre danse dansarfråNoreg, så hopp opp i dansebåten, bli med på ei lita reise rundt om i verda og prøvesmak dansarfrå både nær og fjern.
Kortkurs: Danseleik
Du har kanskje leika stolleiken?
Eller prøvd deg på danselotto?
Dans behøver ikkjeberrevere å danse i tradisjon eller etter ei "oppskrift". Dans gir også moglegheit for å leike seg til musikk. Det finst mange ulike danseleikar, songleikar og andre leikar der ein kan hente inspirasjon frå folkedansen- og musikken. På dette kortkurset vil instruktør Anna, saman med musikar Nina, ta deg med i leiken.
Kortkurs: Spel og dans – hand i hand
Du har kanskje høyrd at i den folkelege sjangeren, så heng dansen og musikken tett saman?
Musikarane spelar til dans og dansarane beveger seg til musikken. Dette kortkurset er både for deg som spelar instrument og for deg som dansar. Danseinstruktør Anna og spelinstruktør Britt Elise vil saman med musikar Nina ta deg med på ein liten dansefest, der du får lære meir om korleis musikken og dansen heng saman. Kva kan dansarane og musikarane lære av kvarandre?
Det blir variert musikk og dans, og rom for mykje moro.
Langkurs: Samspel folkemusikk
Likar du å spele i lag med andre eller ønskjer du å bli tryggare på samspel?
Under årets langkurs i folkemusikk vil instruktør Britt Elise hente fram nye slåttar du kan lære deg i tillegg til kjente melodiar som gruppa kan bli gode på å spelesaman. Kurset vil ha fokus på det å lytte til kvarandre, intonasjon og musisering. Kan hende kurset resulterer i eit heilt nytt Sommarleirband?
Kurset passar for deg som kan å spele instrument. Det er ein føredel, men ikkjeeit krav, å vere kjent med folkemusikksjangeren. Kurset blir lagt opp slik at deltakarar på ulike nivå vil ha glede og nytte av det.
Kortkurs: Lær ein ny slått eller to
Som musikar er det alltid kjekt å utvide repertoaret sitt. Jo fleireslåttar du kan, jo meir kan du variere spelet ditt og jo kjekkare er det å spelesaman med andre. På dette kortkurset vil Britt Elise lære deg ein ny slått eller to som ho har i sitt repertoar. Sidan Britt Elise er frå Møre og Romsdal, vil musikken ho lærar bort også verefrå det tradisjonsområdet. (Kan stryke det siste viss det ikkje stemmer).
Kortkurs: Minikonsert
Å spele for andre kan vere både gøy, spanande og kanskje også litt nervepirrande?
Folkemusikarar flest likar å spele for publikum, og gjerne også til dans. Då er det fint å øve på dette med å spele for kvarandre. Det er også nyttig å lytte til andre musikarar og gi tilbakemelding på det ein høyrer. På dette kurset vil de gjere nettopp dette. Spele for kvarandre, lytte og gi tilbakemeldingar.
Kortkurs: Spel og dans – hand i hand
Du har kanskje høyrd at i den folkelege sjangeren, så heng dansen og musikken tett saman?
Musikarane spelar til dans og dansarane beveger seg til musikken. Dette kortkurset er både for deg som spelar instrument og for deg som dansar. Danseinstruktør Anna og spelinstruktør Britt Elise vil saman med musikar Nina ta deg med på ein liten dansefest, der du får lære meir om korleis musikken og dansen heng saman. Kva kan dansarane og musikarane lære av kvarandre?
Det blir variert musikk og dans, og rom for mykje moro.
Av og til treng ein ei lita pause frå dei fysisk aktive kursa. Då kan det vere kjekt å roe ned med litt kreativt handverk.
Det kjem til å bli eit kortkurs eller to i handverk. Tidlegare har vi hatt kurs i geriljabroderi, toving, hekling, redesign og fikselaug, for å nemne noko.
Kva som blir årets handverkskurs er ikkje heilt klart enda. Meir informasjon kjem så snart dette er klart.
